Gundemxeber.az » Manşet » İnstitut direktoru işçilərin hüquqlarını pozub? - İradə Axunvoda cərimə edildi, narazı qaldı
İnstitut direktoru işçilərin hüquqlarını pozub? - İradə Axunvoda cərimə edildi, narazı qaldı
Elmi Tədqiqat Ağ Ciyər Xəstəlikləri İnstitutunun direktoru İradə Axundova ilə Dövlət Əmək Müfəttişliyi Xidməti arasında qalmaqal yaranıb.
Gundemxeber.az-ın qaynarinfo-ya istinadən əldə etdiyi məlumata görə, qalmaqala səbəb dövlət xidmətinin direktoru cərimələməsidir.
İradə Axundova İnzibati Xətalar Məcəlləsinin 198.1.5 və 192.4-cü maddələrinə əsasən cərimə edilib. Bu maddə normal əmək və istirahət rejiminə riayət edilməməsi, 192.4-cü maddə isə işçinin əmək və məzuniyyət haqlarının, ezamiyyə xərclərinin, əmək qanunvericiliyində nəzərdə tutulmuş müavinət və digər ödənişlərin hesablanmasında və ödənilməsində, riyazi hesablamalar nəticəsində yol verilən nöqsanlar istisna olmaqla, qanun pozuntularına yol verilməsi ilə bağlıdır.
Birinci maddədə 500 manatdan 1000 manatadək, ikinci maddədə isə isə vəzifəli şəxslərin 700 manatdan 1500 manatadək məbləğdə cərimə edilməsi nəzərdə tutulur. İradə Axundovaya konkret olaraq hansı məbləğdə cərimə yazıldığı barədə məlumat yoxdur.
Əldə etdiyimiz məlumata görə, direktor dövlət xidmətinin qərarını qanunsuz hesab edir. Bu baxımdan, o, şikayət ərizəsi ilə məhkəməyə müraciət edib. Onun şikayətinə Nizami Rayon Məhkəməsində baxılacaq. İş hakim Mətanət Hacıyevanın icraatındadır.
Elmi Tədqiqat Ağ Ciyər Xəstəlikləri İnstitutu Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərir. İradə Axundova sözügedən institutun direktoru vəzifəsinə 2022-ci ildə təyin edilib.
Gundemxeber.az
Oxşar yazılar :
-
-
Vəzifəli şəxslərin DİQQƏTİNƏ: Cərimələr tətbiq ...
19-11-2021, 10:51
-
Əmək qanunvericiliyini pozan müəssisələrlə bağlı ...
4-07-2013, 16:59
-
"Xaliq Faiqoğlu" işçilərini qanunsuz ...
18-06-2021, 16:14
-
İşçiləri əmək müqaviləsi olmadan işlədənləri həbs ...
4-02-2014, 00:19
-
İctimai yerlərdə siqaret çəkənlər 500 manatdan ...
2-10-2018, 12:17
Sorğu
Hansı nəqliyyat növündən daha çox istifadə edirsiniz?