ABŞ-da alimlər Los-Ancelesdəki La Brea Tar Pits ərazisində Buz dövründə yaşamış və əvvəllər elmə məlum olmayan qurbağa növünü müəyyən ediblər.

Gundemxeber.org xəbər verir ki, “Spea labreae” adlandırılan yeni növə aid qalıqlar əslində 1929-cu ildə aşkar edilmişdi.

Lakin uzun illər muzey kolleksiyasında saxlanılan bu qalıqlar ətraflı şəkildə araşdırılmayıb.

Tədqiqatçılar son araşdırmalar zamanı onların ayrıca bir növə aid olduğunu müəyyənləşdiriblər.

Alimlərin sözlərinə görə, kəşf Kaliforniyanın qədim iqlimi və həmin dövrdə heyvanların yayılma arealı barədə yeni məlumatlar əldə etməyə imkan verir.

“Spea labreae”nin La Brea Tar Pits-də aşkar edilmiş ilk yeni nəsli kəsilmiş qurbağa növü olduğu bildirilir.

Gundemxeber.org