Fransanın cənub-şərqində yerləşən Albervil rayonunda 45 təsdiqlənmiş legionelloz hadisəsi qeydə alınıb.

Gundemxeber.Az xəbər verir ki, bu barədə "Agence France Press" məlumat yayıb.

Bildirilib ki, səkkiz nəfər hazırda reanimasiyada müalicə alır, bir xəstə isə artıq dünyasını dəyişib.

Bundan əlavə, bir neçə şübhəli hadisə də həkimlər tərəfindən yoxlanılır. Hakimiyyət orqanları yoluxma mənbəyini müəyyən etmək üçün araşdırmalara başlayıb.

Legionelloz - kəskin infeksion xəstəlikdir. O, yüksək hərarət, intoksikasiya, ağciyərlər, mərkəzi sinir sistemi və həzm orqanlarının zədələnməsi ilə müşayiət olunur. Çoxsaylı orqan çatışmazlığı sindromu inkişaf edə bilər. İnfeksiya törədicisi su və ya torpaqda mövcud ola bilər, əsas yoluxma yolları isə hava-damcı və hava-toz vasitəsilədir.

Gundemxeber.Az