Kanal 13 İnternet TV-nin həbsdə olan rəhbəri Əziz Orucov azadlığa buraxılıb. Bu barədə onun həyat yoldaşı Lamiyə Orucova sosial şəbəkələrdə foto paylaşıb.

Gundemxeber.com xəbər verir ki, Ə.Orucovun 2 illik həbs müddəti bu gün başa çatıb.

Kanal 13 rəhbərinin vəkili Bəhruz Bayramov da onunla azadlıqdan ilk fotonu paylaşıb.

Qeyd edək ki, Əziz Orucov 2023-cü il noyabrın 27-də saxlanılıb. Ona qarşı Cinayət Məcəlləsinin 188.2-ci (Qanunla müəyyən edilmiş mülkiyyət, istifadə və ya icarə hüququ olmadan torpaq sahəsi üzərində özbaşına tikinti) maddəsi ilə cinayət işi açılmışdı.