İsrail ordusunun Livanın şimalındakı Hoş əs-Seyid Əli yaşayış məntəqəsinə PUA-lardan endirdiyi zərbələr nəticəsində "Hizbullah" hərəkatının silahlı qanadının iki üzvü öldürülüb.

Gundemxeber.com xəbər verir ki, bu barədə "Elnashra" xəbər portalı məlumat yayıb.

Məlumata görə, ölən döyüşçülər raket zərbələrinə məruz qalan avtomobildə olublar. Hər iki "Hizbullah"çı aldıqları yaralardan hadisə yerində keçiniblər.

Xəbərdə qeyd olunur ki, ölkənin şimal hissəsində, Suriya ilə həmsərhəd olan Hermel bölgəsi radikal qrupların əsas dayaq məntəqələrindən biridir. İsrail Hərbi Hava Qüvvələri sonuncu dəfə noyabrın 22-də orada yerləşən bazalara zərbələr endirib.

Gundemxeber.com