Bu yaxınlarda Prezident İlham Əliyevin sərəncamı ilə işdən çıxarılan TƏBİB-in keçmiş rəhbəri Vüqar Qurbanovun yarıtmaz idarəçiliyinə dair daha bir acınacaqlı fakt üzə çıxıb. Gundemxeber.com bildirir ki, bu barədə Tribuna.az-a danışan adının çəkilməsini istəməyən Təxirəsalınmaz Tibbi Yardım Xidmətində çalışan həkimlərdən bir neçəsi vəziyyətin biabırçı şəkil aldığını deyib.

Onlar bildiriblər ki, TƏBİB tərəfindən onlara hər hansı dərman pereparatları, hətta istifadə olunan pambıq belə verilmir. Həkimlərin sözlərinə görə, dəfələrlə müraciət etmələrinə də əhəmiyyət verən yoxddur. “Vəziyyət o qədər biabırçdır ki, çağırışa gedərkən adicə pambıq belə verilmir. Biz də vəziyyətdən çıxmaq üçün pambığı, dərmanı, hətta yod və digər vasitələri xəstələrdən xahişlə alırıq ki, başqa çağırışlara gedərkən istifadə edə bilək.

Bizə deyirlər ki, birtəhər yola verin. Necə yola verək? Maaşımız da o qədər yüksək deyil ki, bəzilərini cibimizdən alaq”.
Bizə verilən məlumatda o da deyilib ki, Vüqar Qurbanovun idarəçiliyi dönəmində maaşları da artırımayıb. “Bütün qurumların maaşı artırılsa da, bu heç vaxt bizə şamil olunmayıb. Əvvəllər Səhiyyə Nazirliyinin tərkibində olarkən, heç olmasa ildə bir dəfə maaşımız artırdı. TƏBİB-də il nədir, illərlə maaş artımı edilməyib”.

Tribuna.az-a danışan həkimlər qeyd ediblər ki, TƏBİB-in ləğv edilərək, Səhiyyə Nazirliyinə birləşdirilməsinə razıdırlar. “Biz yetim uşaq kimi ortada qalmışıq. Xəstələr bizi qınayır, hətta ittiham edirlər. Onları qınamırıq. Lakin bizi də qınamasınlar. Elementar dərmanları ala bilmirik. “Analigin”, “Dmidrol”, “Novakain” nədir ki, onu belə vermirlər. Amma bir hadisə olanda günahkar biz oluruq”.

Qeyd edək ki, TƏBİB hər il müxtəli adda dərmanların, habelə tibbi sərf mallarının alınmasına milyonlarla manat xərclədiyini yayınlayır. Bunu keçirilən tenderlərdən də aydın görmək mümkündür. Açıq mənbələrdə qeyd edilir ki, bu vasitələrin alınmasına il ərzində ən azı 100 milyon manatdan çox pul xərclənir. Belə olan halda, TTXY-nin adicə pambıq verilməməsinin səbəbi nədir? Vüqar Qurbanov bu qədər pulları nəyə xərcləyib?
Məsələ ilə bağlı ilgili qurumların da mövqeyini dərc etməyə hazırıq.

gundemxeber.com