Azərbaycanda çox maraqlı bir hadisə baş verib.178-ci maddə ilə təqsirləndirilən şəxsin yerinə qardaşı həbsxanaya girib.Və il yarıma yaxın həbsxanada yatıb.Və buna göz yuman hakimlər Anar Sadıqov, Fəxri Məmmədov və Mahirə Kərimova günahsız olan qardaşa cəza kəsib həbsxanaya göndəriblər. Ailədaxili problemlər olduğundan qardaşların bacısı baş verənlərdən şikayət edib. Bacısının şikayət etdiyindən xəbərdar olan İsmayıl Həsənov (soyad şərti qeyd olunub) ölkədən qaçmaq qərarına gəlib.Və beləliklə, İsmayıl Ölkədən qaçarkən hava limanında saxlanılıb. Araşdırmalar nəticəsində işi aparan müstəntiq vəzifəsindən uzaqlaşdırılıb. Cəza kəsən hakimlər Anar Sadıqov, Fəxri Məmmədov, Mahirə Kərimova barəsində araşdırma başladılıb. Hakim Anar Sadıqovun hakimlik fəaliyyətinə xitam verilib. Hakim Fəxri Məmmədovun və Mahirə Kərimovanın hakimlik fəaliyyətinə xitam veriləcəyi gözlənilir. Məlumatda o da deyilir ki, Ağır Cinayətlər Məhkəməsinin hakimləri Anar Sadıqov, Fəxri Məmmədov, Mahirə Kərimova məsələni bilib gizlətməkdə suçlanırlar. Belə olan halda onlar həbs oluna bilərlər.

Qeyd edək ki, Fəxri Məmmədov 15 saylı Notariatın xüsusi notarisu Afiq Məmmədovun oğludur. Afiq Məmmədov da mətbuatda qanunsuz işlər görməsi və geniş imkanlara sahib olması ilə tanınır.

Sonda onu da qeyd edək ki, eyni tərkibdə olan hakimlər-Fəxri Məmmədov, Anar Sadıqov və Mahirə Kərimova tanınmış jurnalist, müharibə veteranı, YAP-ın üzvü olan Habil Vəliyevə günahsız yerə cəza kəsiblər./azfakt.com/