Şəhid qızını maşınla vurub öldürən, hadisə yerindən qaçan, 20 gün sonra isə polisə təslim olan gənc növbəti dəfə hakim qarşısına çıxarılıb. O, iş adamının oğludur.

Ermənistan silahlı bölmələri işğal altındakı Azərbaycan torpaqlarında təlimlər keçirir.

Dövlət katibinin köməkçisi Mitçell “Rusiya qoşunları Gürcüstandan çıxmalıdır” dedi, Azərbaycanı “unutdu”; işğalçı Ermənistan isə mayın 1-də rüsvay oldu; Bakı savaşa “siyasi məhbuslar”la getsə...

Məktəbdaxili intizam qaydalarına, "Müəllimlərin Etik Davranış Qaydaları”nın tələblərinə uyğun olmayan davranışa yol verdiyinə görə, 189-190 nömrəli məktəbin ibtidai sinif müəllimi Səyyarə Əliyeva ilə bağlanmış əmək müqaviləsi 2 may tarixindən ləğv edilib.

ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, mayın 3-də Tərtər rayonu ərazisində yerləşən Azərbaycan və Ermənistan qoşunlarının təmas xəttində növbəti monitorinqin keçirilməsi planlaşdırılır.

“Azərbaycanda orta hesabla hər 10 min nəfərə bir vəkil düşür”. Bu barədə Vəkillər Kollegiyasının sədri Anar Bağırov bildirib.

Milli Məclis mayın 1-də İnzibati Xətalar Məcəlləsinə və “Kütləvi İnformasiya Vasitələri haqqında” qanuna jurnalistlərin fəaliyyətil ilə bağlı dəyişikliklər edib.

Azərbaycan Xalq Cəbhəsi Partiyası (AXCP) Şəki Rayon Təşkilatının Gənclər Komitəsinin sədri Samir Həsənov mayın 2-də günorta saatlarında rayon polis şöbəsindən sərbəst buraxılıb. Bu barədə AXCP İdarə Heyətinin üzvü İlham Hüseyn bildirib.

Ötən gün Baş Prokurorluq dərman mafiyası qurmuş şəxslərin həbsi ilə bağlı məlumat yaymışdı. Xəbərdə bildirilirdi ki, mafiya rəhbərləri ölkədə 100-ə yaxın həkimlə əlbir olublar və onları da insanların sağlamlığını təhlükəyə atan bu prosesə cəlb ediblər.

Mayın 1-də Azərbaycan Prezidenti yanında Əfv Məsələləri Komissiyasının iclasında yüzədək müraciətə baxılıb. Bu barədə Amerikanın Səsinə komissiyanın üzvü Əliməmməd Nuriyev bildirib.