Portuqaliya yığmasının və Səudiyyə Ərəbistanın "Ən-Nəsr" klubunun üzvü Kriştianu Ronaldu gözlənilməz etiraf edib.

Gundemxeber.Az xəbər verir ki, dünya ulduzu "Give Me Sport"a müsahibəsində "Dünyanın ən yaxşı futbolçusu kimdir?" sualına səmimi cavab verib.

"Bütün dövrlərin üç ən yaxşı futbolçusu? Bu siyahıya özümü və yəqin ki, Lionel Messi və Zinəddin Zidanı daxil edərdim"

Bununla belə, Ronaldu bu mövzuda mübahisələrin heç vaxt başa çatmayacağını söyləyib:

"Əgər Dünya Kubokunu qazansam belə, planetin ən yaxşı futbolçusu ilə bağlı mübahisələr səngiməyəcək. Bəziləri məni çox, digərləri isə az sevir. Tarixdə mübahisələr deyil, rekordlar qalacaq. Əlbəttə, Dünya Kuboku mənim mükafatlar kolleksiyamda artıq yer tutmazdı. Bunu yalnız arzulamaq olar".

Gundemxeber.Az