Ankara və Vyananın strateji əməkdaşlığı Orta Dəhlizin inkişafına töhfə verə bilər.

Gundemxeber.org xəbər verir ki, bunu Türkiyə Prezidenti Rəcəb Tayyib Ərdoğan Ankarada Avstriyanın federal kansleri Kristian Ştokerlə birgə keçirdiyi mətbuat konfransında bildirib.

Türkiyənin dövlət başçısı yaşıl enerji, yüksək texnologiyalar, nəqliyyat və müdafiə sənayesi sahələrində Avstriya ilə əməkdaşlığın istifadə olunmamış potensialına diqqət çəkib.

Onun sözlərinə görə, iki ölkə arasında dialoq Türkiyənin Avropa İttifaqı ilə əlaqələrinin dərinləşməsinə də kömək edir. “Avropa İttifaqının Gömrük İttifaqının yenilənməsi və Türkiyə ilə vizasız rejimin sadələşdirilməsi istiqamətində atacağı addımlar bütün tərəflərin maraqlarına cavab verə bilər”, - deyə Rəcəb Tayyib Ərdoğan vurğulayıb.

Türkiyə Prezidenti, həmçinin Avstriyanın Suriyanın bərpası prosesinə verdiyi töhfəni yüksək qiymətləndirib.

Gundemxeber.org