İsrail hərbçiləri nöqtəvi zərbələr nəticəsində Qəzza zolağında radikal Fələstin HƏMAS hərəkatının silahlı dəstələrinin iki komandirini zərərsizləşdirib.

Gundemxeber.org xəbər verir ki, bu barədə İsrail ordusunun mətbuat xidməti məlumat yayıb.

Onlardan biri HƏMAS-ın Xan-Yunis şəhərindəki hərbi qanadının komandiri Məhəmməd Yəzuridir. O, sentyabrın 11-nə keçən gecə endirilən nöqtəvi zərbə nəticəsində öldürülüb. Ordu bildirib ki, onunla birlikdə HƏMAS-ın eyni bölməsindən daha iki radikal da zərərsizləşdirilib.

Digər əməliyyat nəticəsində Qəzza zolağının Misirlə sərhədində yerləşən Rəfah şəhəri ərazisində Müamən Cabir əs-Səid Əbu Ləbda zərərsizləşdirilib. İsrail hərbçilərinin məlumatına görə, o, Rəfahda HƏMAS-ın snayperlər bölməsinə komandirlik edib.