15 sentyabr gecəsi Ukrayna Silahlı Qüvvələri (UAH) Rusiya bölgələrinə kütləvi dron və raket hücumu həyata keçirib.

Gundemxeber.org xəbər verir ki, bu barədə regional qubernator Vyaçeslav Fedorişçev məlumat verib. 

Onun sözlərinə  görə, Samara bölgəsi 40-dan çox dron hücumuna məruz qalıb. Ukraynanın "Eksilena+" monitorinq kanalının məlumatına görə, Syzrandakı neft emalı zavoduna zərbə endirilib. Hücumdan sonra ərazidəki neft məhsulları saxlama çənləri yanıb. 

Rostov vilayətində "yerdə çoxsaylı fəsadlar" və kütləvi raket hücumundan sonra bir neçə yanğın baş verdiyi bildirilir. Qeyd olunur ki, iki mənzilli binaya və üç fərdi evə, bir təhsil müəssisəsinə, ticarət binalarına, kənd təsərrüfatı anbarlarına və Ozon logistika mərkəzinə ziyan dəyib.