Tanınmış amerikalı avtomobil bloqeri Ceyms Ver düşdüyü yol qəzasında həyatını itirib. 

Gundemxeber.org xəbər verir ki, bu barədə "The People" yazıb.

İlkin məlumatlara görə, 27 yaşlı Ver və şəxsiyyəti açıqlanmayan başqa bir şəxsin olduğu avtomobil yüksək sürətlə hərəkət edib. Sürücünün idarəetməni itirməsi nəticəsində avtomobil yoldan çıxaraq ağaca çırpılıb. Maşın daha sonra alovlanıb. Ağır qəza yerinə gələn polis və xilasedicilər Ver və sərnişinini içəridə huşsuz vəziyyətdə tapıblar.

Bloqerin anası onun vəfatını şəxsi sosial media səhifəsində təsdiqləyib.