Avstraliyada polis 11 yaşlı oğlanı restoran və otel soyğunçuluğunda ittiham edir.

Gundemxeber.org xəbər verir ki, onun əlbir olduğu səkkiz yaşlı dostu da bu işdə ittiham olunur.

Polisin məlumatına görə, oğlanlar gün ərzində balaklava taxaraq restorana daxil olublar. İddialara görə, onlardan biri bıçaq çıxararaq kassadan pul tələb edib.

Daha sonra uşaqlar yaxınlıqdakı otelə gediblər və orada yenidən işçini bıçaqla hədələyiblər, qəbul masasında axtarış aparmağa cəhd ediblər.

Onların hər ikisi tezliklə saxlanılıb. 11 yaşlı uşaq nəzarətə alınıb və soyğunçuluqda ittiham olunub. Səkkiz yaşlı uşaq evə aparılıb və valideynlərinin himayəsinə verilib.