Türkiyə-İran sərhədində türk hərbçi həlak olub. 

Gundemxebertv.com xəbər verir ki, bu barədə Türkiyə Milli Müdafiə Nazirliyi məlumat yayıb. 

Nazirlik bildirib ki, müqaviləli piyada əsgəri Yusuf Sait Ünlü 31 oktyabrda Engin Mayın Sərhəd Məntəqəsinin məsuliyyət ərazisində qanunsuz sərhəd keçidinə cavab verərkən "İran tərəfindən törədildiyi qiymətləndirilən atəş nəticəsində" həlak olub.

"Hadisədən dərhal sonra məhkəmə və inzibati araşdırma başlanıb və 3 noyabr 2026-cı ildə hadisə yerində İran rəsmiləri ilə görüş keçirilib. Məlum olub ki, İran hakimiyyəti hadisəni aydınlaşdırmaq üçün məhkəmə və inzibati araşdırmaya da başlayıb", - nazirliyin məlumatında qeyd olunub.