Albaniya hökuməti TikTok sosial şəbəkə platformasını ölkə daxilində bir il müddətinə qadağan edib.

Albaniyanın milli təhsil və idman naziri Ogerta Manastirliu Nazirlər Şurasının iclasından sonra məsələ ilə bağlı mətbuata açıqlama verib.
Manastirliu 2024-cü ilin noyabr ayından müzakirələrə səbəb olan TikTok-un, ölkədə bir il müddətinə müvəqqəti qadağan edilməsi qərarı qəbul edildiyini bildirib.
Nazir Manastirliu bildirib ki, qərar ölkədə 65 min valideynlə müzakirələrdən sonra qəbul edilib.
Bu arada, nazirlikdən verilən açıqlamada, TikTok sosial şəbkəsinə giriş qadağasının bir neçə gün ərzində başlayacağı və platformanın yetkinlik yaşına çatmayan istifadəçilər üçün təhlükəsizlik və yaş standartlarını tətbiq edənə qədər davam edə biləcəyi açıqlandı.

GundemXeber.Az