ABŞ Dövlət katibi Marko Rubio Ukraynadakı münaqişənin hərbi yolla həllinin olmadığını və prosesin danışıqlarla başa çatmalı olduğunu bildirib.

Gundemxeber.az xarici mediaya istinadən xəbər verir ki, o, Vaşinqtonun Kiyevə silah tədarükünü dayandırmadığını, lakin yeni yardım paketlərinin hazırlanması barədə hələ qərar qəbul edilmədiyini qeyd edib.

"Ukrayna məsələsinə gəldikdə, hamımızın razı ola biləcəyimiz bir məqam var: Bu böhranın hərbi həlli yolu yoxdur. O, danışıqlarla nəticələnməlidir. Ukraynada qarşılaşdığımız əsas problem budur ki, Rusiya hazırda malik olmadığı və heç bir hüququnun çatmadığını istəyir. Ukrayna isə hərbi yolla geri qaytara bilmədiklərini arzulayır. Problemin mahiyyəti də budur", - deyə Rubio Senatdakı dinləmələr zamanı açıqlayıb.

Eyni zamanda o, ABŞ-nin müttəfiqlərlə birlikdə Ukraynaya "Patriot" zenit-raket komplekslərinin ötürülməsi üzərində işlədiyini bildirib.

Gundemxeber.az