ABŞ-nin keçmiş prezidenti Co Baydenin əqli vəziyyəti ilə bağlı keçmiş administrasiya əməkdaşları ifadə verməyə hazırlaşırlar.

Gundemxeber.Az xəbər verir ki, bu barədə "Politico" nəşri məlumat yayıb.

Bildirilir ki, dindirilməyə çağırılanlar arasında Ağ Evin keçmiş aparat rəhbəri Ron Kleyn və digər yüksəkvəzifəli məmurlar da var.

İlk olaraq 24 iyul tarixində Ron Kleyn Senat komitəsi qarşısında ifadə verəcək. Daha sonra keçmiş müşavir Stiv Rikketti (30 iyul), baş müşavir Mayk Donilon (31 iyul), aparat rəhbərinin müavini Bryus Rid (5 avqust) və baş müşavir Anita Dann (7 avqust) ifadə verəcəklər.

Bu ifadələr 18 iyun tarixində ABŞ Senatında başlanmış və Baydenin prezidentliyi dövründə onun əqli qabiliyyətlərinin qiymətləndirilməsinə yönəlmiş araşdırmanın davamı olacaq.

Gundemxeber.Az