Fransa prezidenti Emmanuel Makronun həyat yoldaşı Bricit Makron onun kişi olduğu barədə informasiya yayan iki qadına qarşı məhkəmənin bəraət qərarından şikayət edib.

Məlumata görə, bu barədə onun vəkili Jan Ennoşinin "Franceinfo" radiostansiyasına verdiyi müsahibədə deyib.

"Bricit Makron Paris Apellyasiya Məhkəməsinin Natşa Reyin və Amandin Ruyanın (əsl adı Delfin Jequss) bəraəti barədə qərarı apellyasiya etmək niyyətindədir", - deyə vəkil bildirib.

Onun sözlərinə görə, hər iki qadın Fransanın birinci xanımının transgender şəxs olduğu ilə bağlı məlumatlar yayıb.

Qeyd edək ki, Paris Apellyasiya Məhkəməsi Natşa Rey və Amandin Ruyanın açıqlamalarının əksəriyyətini böhtan hesab etməyib. Lakin məhkəmə onların Bricit Makronu guya Emmanuel Makronun tələbə, özünün isə onun müəllimi olduğu vaxtlarda onu yoldan çıxarmaqda ittiham etməsini böhtan kimi qiymətləndirib. Buna baxmayaraq, qadınlar ümumilikdə bəraət alıblar.

Qeyd edək ki, 2021-ci ildə jurnalist Natşa Rey Brijit Makronun əslində kişi cinsində doğulduğunu sübut edən sənədlərinin olduğunu iddia etmişdi.

Gundemxeber.az