Pekin Cənubi Koreya şirkətinin beş Amerika bölməsini “Çinin suverenliyini və maraqlarını pozmaqda” ittiham edir...

Gundemxeber.com xəbər verir ki, Çin hökuməti Cənubi Koreyanın nəhəng gəmiqayırma konserni Hanwha Ocean-un ABŞ-da fəaliyyət göstərən beş törəmə şirkətinə qarşı sanksiyalar tətbiq edib. AFP agentliyinin məlumatına görə, Pekin bu qərarı şirkətlərin Amerika hakimiyyət orqanlarının gəmiçilik sənayesində apardığı istintaqlarda iştirak etməsi ilə əlaqələndirib.

Çin XİN-in bəyanatında qeyd olunur ki, adıçəkilən şirkətlər “Çinin suverenliyini və milli maraqlarını sarsıdan fəaliyyətlə məşğul olublar”. Yeni sanksiyalara əsasən, bu şirkətlərlə Çin vətəndaşlarının və təşkilatlarının əməkdaşlıq etməsi qadağan edilir.

Hadisə ABŞ və Çin arasında artan iqtisadi gərginliyin, xüsusilə də qarşılıqlı liman rüsumları və ticarət məhdudiyyətləri ilə bağlı mübahisələrin fonunda baş verir.