Rusiya və Ukrayna qüvvələri hərbi əməliyyatları dayandırmalı və hazırkı təmas xəttində qalmalıdır.

ABŞ prezidenti Donald Tramp bu fikirdədir

Tramp fikrini öz təyyarəsində jurnalistlərlə söhbətində açıqlayıb:

"Biz hesab edirik ki, onlar sadəcə təmas xəttində dayanmalıdırlar. Hazırda təmas xətləri var. Başqa bir şeylə razılaşmaq çox çətindir. O qədər müxtəlif dəyişikliklər var ki. Ona görə də deyirəm ki, onlar sadəcə olaraq təmas xəttində dayanmalıdırlar".

O, oktyabrın 17-də Ukrayna prezidenti Volodimir Zelenski ilə görüşündə Donbasa nəzarətin Rusiyaya verilməsi ilə bağlı məsələləri müzakirə etmədiyini bildirib

Tərəflərin Donbasa nəzarəti ilə bağlı Tramp deyib:

"İndiki kimi bölünsün. Məncə, ərazinin 78 faizi artıq Rusiya tərəfindən alınıb. Qoy olduğu kimi qalsın. Onlar nəyisə sonra razılaşdıra bilərlər".

Bundan əvvəl Donald Tramp "Fox News" telekanalına müsahibəsində bəyan etmişdi ki, Ukraynada münaqişəyə son qoyulması Kiyev üçün ərazi itkisi demək olacaq

Gundemxeber.com