Polşada davam edən quraqlıq və yüksək istilər ölkə daxilindəki bir çox su anbarı, göl və çaylarda su səviyyəsinin kritik həddə enməsinə yol açıb. Bu vəziyyət kənd təsərrüfatı sahələrinə və su ehtiyatlarından asılı olan enerji sektoruna mənfi təsir göstərir. 

Polşanın cənubunda Skawa çayı üzərində qurulmuş Mucharz su anbarında su səviyyəsi 1 metrdən çox aşağı düşüb. PUA  çəkilişləri və peyk görüntüləri anbarda suyun  çəkilməsini, geniş qum adalarının və qurumuş sahil zolaqlarının üzə çıxdığını aydın göstərir. Małopolska bölgəsində bələdiyyə su təchizatını qorumaq məqsədilə fövqəladə su məhdudiyyətləri və qənaət rejimi tətbiq olunub.